VORIA
(M. Scaminante)

Nesciunu di cà
li me pinseri e i me paroli,
nesciunu si sa
di la cuscenza e do me cori,
si votunu s'arrabbattunu e s'arriminunu
pi nu pocu 'i libirtà
e nasciunu crisciunu e morunu
a tradimentu 'nte me manu.
 
Si movunu ri dda,
senza sapiri comu e quannu
e tagghiunu si sa…
i lati tunni do sapiri,
si votunu s'arrabbattunu e s'arriminunu
pi nu pocu i libirtà
e nasciunu crisciunu e morunu
pi putiri dari, pi putiri diri,
pi putiri dari e pi putiri diri
 
Voria voria voria voria voria
nu pocu 'i voria 'nta me vita
pe' spini niuri cunsacrati
Voria voria voria voria voria
nu pocu 'i voria 'nta stu munnu
pe' figghi 'i tutti mattrattati...
 
Nasciunu di ca
li me carizzi e i me paroli
e cogghiunu si sa
lu ciaru duci da spiranza,
si movunu s'arriminunu e arriciatunu,
pi nu pocu i libirtà
e nasciunu crisciunu e abbolunu
pi putiri dari ,pi putiri diri
pi putiri dari, pi putiri diri
 
Voria voria voria voria voria
nu pocu 'i voria 'nta me vita
pe' spini niuri cunsacrati
Voria voria voria voria voria
nu pocu 'i voria 'nta stu munnu
pe' figghi 'i tutti mattrattati...
 
 

GIRA VOTA E FURRIA
(U. Arcidiacono) 
 
Passu li notti aspittannu
santu assittatu cunfunnu 'ca
picciriddi ranni addiventunu sai
chiddu ca pensu non cancia
 
crisci intra di mia
'a vogghia di stari cu' tia
spiranza non mori mai
'n gniornu putissi essiri
macari Diu
gira vota e furria
 
Veni cà curri assemi a mia
libera gira vota e furria
Luntana figghia ascuta a mia
libera gira vota e furria
lacrimi suli e terra
nasci 'n ciuri vita è
 
Passu li iorna cuntannu
lentu danzari do' tempu cà
signa paroli e pinseri luntani
chiddu cà resta non cunta
 
crisci intra di mia
'a vogghia di stari cu' tia
spiranza non mori mai
'n gniornu putissi essiri
macari Diu
gira vota e furria
 
Veni cà curri assemi a mia
libera gira vota e furria
Luntana figghia ascuta a mia    
libera gira vota e furria
lacrimi suli e terra
nasci 'n ciuri vita è  
 
lacrimi suli e terra
nasci 'n ciuri vita è...
 
 
 
U PATRUNI DE' PINSERI
(U. Arcidiacono)
 
Lassimi stari
tu parri iucannu che' paroli
Nun mi po' accattari
ora ti servu, u sai, poi ma' 'ghittari
Lasciarsi andare
istinto senza numeri e parole
 
Megghiu a vita di 'n pizzenti
ca' tiniri a menzu i renti
li paroli e i sentimenti
e dicu no
 
Nisciti fora
iu dicu 'na risposta
è chista sula
nun mi po' canciari
u me cori n'avi cordi d'accurdari
Cuore e rumore
tamburo d'emozioni da suonare
 
U patruni de' pinseri
cà mi parra 'nfunnu o cori
dici no non mi po' accattari
non mi vendo e dico:
 
E dicu no
non m'abbastunu dinari
e dicu no
p'arrinesciri a parrari
e dicu no
ca' to vucca e i to pinseri
e dicu no
nun mi po' accattari no
(u patruni de' pinseri ca mi parra 'nfunnu o cori
dici no, nun mi po' accattari non mi vendo e dico)
 
Megghiu accussi
m'a' vinniri pi nenti
ma picchi'
prumissi 'nto cielu
mi parunu vampati di vilenu
lasciarsi andare
istinto senza numeri e parole
Megghiu a vita di 'n pizzenti
ca' tiniri a menzu i renti
li paroli e i sentimenti
e dicu no
 
E dicu no
non m'abbastunu dinari
e dicu no
p'arrinesciri a parrari
e dicu no
ca' to vucca e i to pinseri
e dicu no
nun mi po' accattari no
(u patruni de' pinseri ca mi parra 'nfunnu o cori
dici no, nun mi po' accattari non mi vendo e dico)
E dicu no
non m'abbastunu dinari
e dicu no
p'arrinesciri a parrari
e dicu no
ca' to vucca e i to pinseri
e dicu no
nun mi po' accattari no
 
No! nun mi vinnu e dicu no
No! nun mi po' accattari no
No....
 
 
CIATU MIU
(M. Scaminante)
 
Ci su ghiorna ca passunu
senza sapiri u pirchi
na stu tempu ca m'ha lazzariatu.
No' taliarisi 'ntornu
ci si perdi sai cchi,
li carizzi de' manu 'nto cori.
 
Ci su ghiorna ca passunu
na stu tempu ca c'è
non calari l'occhi 'nto puzzu
e l'ali ca m'ha ratu
sana raputu pi tia,
ana criatu scumpigghiu,
sana pusatu 'nto sonnu
 
Ciatu miu Ciatu miu
arrusbigghimi ancora
Ciatu miu Ciatu miu
dumani agghiorna
e l'anima torna torna...
 
Comu nivi 'nto 'nvernu
vaiu lassannu li cosi
li pauri antrasatta volunu via,
li prumissi di dirisi
tuttu chiddu ca è
ana criatu scumpigghiu
sana pusatu 'nto sonnu
 
Ciatu miu Ciatu miu
arrusbigghimi ancora
Ciatu miu Ciatu miu
dumani agghiorna
e l'anima torna torna...
 
Ciatu miu Ciatu miu
arrusbigghimi ancora
Ciatu miu Ciatu miu
dumani agghiorna
e l'anima torna torna torna…
 
 
PETRA E SANGU
(M. Scaminante)
 
Senti stu ventu ca mi trasi 'i intra
nuddu mi po' calmari
nenti si po' firmari… ah
timpesti senza stagiuni
su' li me pinseri
cunottu non n'attrovu
petra e sangu è lu me cori
petra e sangu è lu me cori
 
vaneddi antichi mi fanu cumpagnia
'na sta notti ca di tuttu sapi
tranni ca di tia
 
Tu non canusci patruni
ma u mari 'i intra
l'ha taliari,
iu non canusciu u pirdunu
pirchi di iddu non sugnu figghiu,
su 'gnornu t'avissa odiari
amuri miu, vadda, lassimi stari
e na stu focu di sensi
li me paroli iocunu senza cunsensi
 
Su ti lassassi iri
d'amuri finalmenti si putissi parrari,
ah… ma lu to cori non voli
e li me carni su' stanchi d'aspittari
 
non staiu capennu chiù nenti
risati e lacrimi assemi cuntenti
e tu non senti ragiuni
la vita forsi 'gnornu ti farà capiri
 
vaneddi antichi mi fanu cumpagnia
'na sta notti ca di tuttu sapi
tranni ca di tia
 
Tu non canusci patruni
ma u mari 'i intra
l'ha taliari,
iu non canusciu u pirdunu
pirchi di iddu non sugnu figghiu,
su 'gnornu t'avissa odiari
amuri miu, vadda, lassimi stari
e na stu focu di sensi
li me paroli iocunu senza cunsensi
 
… Tu non canusci patruni
      Amuri miu
 

 

SULU L'OCCHI
(M. Scaminante - U. Arcidiacono - V.Virgillito)
 
Ama nisciutu do funnu
lu nostru 'nfernu è do' munnu
Lu focu n' abbruciau i casi
n'avvilinau i pinseri.
 
N'amu vutatu a taliari
sulu vuccuni amari
 
Sulu l'occhi di 'n picciriddu
spaccunu i mura di lu silenziu,
e 'stu chiantu ca tagghia u cori
non sapi diri cos'è ca voli.
Sulu l'ombra vistuta 'i luci
duna a spiranza di 'n gniornu sulu,
mentri l'occhi di 'n picciriddu
ti sannu diri com'è a 'nnuccenza.
 
Non ci su' figghi a chiamari
mancu chiu fotu 'i taliari,
e non ci su' chiu scaciuni
pi cu non voli parrari.
 
Ora lassatimi stari,
ora lassatimi iri,
e 'ntantu u tempu ca passa
senza aspittari t'arrassa...
 
Sulu l'occhi di 'n picciriddu
spaccunu i mura di lu silenziu
e 'stu chiantu ca tagghia u cori
non sapi diri cos'è ca voli
Sulu l'ombra vistuta 'i luci
duna a spiranza di 'n gniornu sulu
mentri l'occhi di 'n picciriddu
ti sannu diri com'è a 'nnuccenza
 
Sulu l'occhi di 'n picciriddu
spaccunu i mura di lu silenziu
Sulu l'ombra vistuta 'i luci
duna a spiranza di 'n gniornu sulu
 
 
U GIUSTIZIATU
(M. Scaminante)
 
Curri curri non ti firmari
cunta i to' passi non ti furriari
sauta sauta comu 'na 'ngidda
saluta a notti , ringrazia a to' stidda.
 
Senti lu ventu, si, tagghia li manu
dunati a forza e sauta 'ddu muru,
senti la pioggia vasa a to' facci
dunau la vita e cancillau li tracci.
 
E la to' cuscienza dici a virità
non pinsari a vita ca poi si ni va...
 
Diu signuri miu
picchi non veni cà
ad aiutari to' figghiu.
Ora è arrivata l'ura
di schifiari 'ddu muru
co' me' sangu sicuru.
Diu signuri miu
picchi non veni cà
forsi mi voi 'dda.
Ora... arrivau l'ura...
do tempu ca c'era cchiù nenti sarà
 
'ddu pezz' 'i chiummu, si, l'ha taliari
cunta i secunni e non ti furriari
talia 'nta facci i to' carnefici
si l'ultimu da' fila
prova a gridari
 
talia ccu l'occhi i punti de' fucili
ascuta i botti e i schigghi de' primi
fa' curriri i pinseri e l'anni a veniri
oramai non c'è cchiu tempu
a morti sta arrivannu...
E la to' cuscienza dici a virità
non pinsari a vita...
 
Diu signuri miu
picchi non veni cà
ad aiutari to' figghiu.
Ora è arrivata l'ura
di schifiari 'ddu muru
co' me' sangu sicuru.
Diu signuri miu
picchi non veni cà
forsi mi voi 'dda.
Ora... arrivau l'ura...
do tempu ca c'era cchiù nenti sarà
 
RIT ora... arrivau l'ura...
         do tempu ca c'era  DIU!
 
 
CICIRITTA
(U. Arcidiacono)

Dormi figghia ca 'a notti veni
a iurnata oggi fu china
di soni e di culuri
dumani nautru pizzuddu di munnu
a trasiri 'nta sta testa nica nica
pi dari sensu o' iocu
u iocu di la vita
 
Ciciritta dormi, è notti,
fai la 'vo,
nicaredda cici' bedda
a naca din don
Chiuri l'occhi aspetta u sonnu,
veni ca,
li carizzi sannu diri
comu si fa.
 
Ciciritta dormi
ciciritta fai la 'vo
Ciciritta dormi
ciciritta...
 
Ciciritta u lentu cantu
t'accumpagna,
frisca fra li vrazza sogna,
è musica
Ciciritta dormi, è notti,
fai la 'vo,
duci santa e bedda sentu
amuri miu
 
Ciciritta dormi
ciciritta fai la 'vo
Ciciritta dormi
ciciritta tu...